Rusiye işğal etilgen Qırımda beş uçaq alanından faydalana. Olardan ekisini ukrayin arbiyleri urdı, bu ise olarnıñ işini minimumğa endirdi, dep bildirdi Ukrayina Arbiy deñiz quvetleriniñ spikeri Dmıtro Pletentçuk.
"Rusiye işğal etilgen Qırımdaki uçaq alanınlarını maqsadına köre qullana. Eñ azından beş uçaq alanını qullana", — dep ayttı o ukrayin milliy tele marafonı efirinde.
Spiker qayd etti ki, bu uçaq alanlarından ekisiniñ tam bir istilânıñ başında olğan yükü yoq, çünki "birlikler ğayıp oldı"
"Beş uçaq alanından ekisiniñ işi eksiktir. Daa çoq uçaq alanını qullanmaq mümkün edi. Qırımda, esasen, bu kibi obyektler çoq, amma qullanılğan bulardı", — dep bildirdi Pletçençuk.
Onıñ aytqanına köre, Rusiye ordusı taktik sebeplerden Rusiye territoriyasına aviatsiyasını yerleştirmek istemey, şunıñ içün Qırım uçaq alanlarını qullanmağa devam ete.
İyülniñ 26-nda Ukrayina Silâlı quvetleriniñ Baş ştabı bildirdi ki, raketa ordularınıñ bölükleri, mudafaa quvetleriniñ diger qısımlarınen işbirlikte, "Saq" uçaq alanına ücüm ettiler. Daa soñra bir sıra telegram kanalları eki Su-30SM-niñ yoq etilgeni aqqında bildirdi. Rusiye akimiyeti bu malümatnı izaatlamadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
