2024 senesi noyabrniñ 24-nde qırımtatar Erfan Osmanovnı Rusiyeniñ Çelâbinsk vilâyetindeki Verhneuralsk apishanesinden Qızılordadaki tüzetüv cezahanesine etap ettiler. Tuvğanınıñ aytqanına köre, yol qolay degil edi: yol boyu siyasiy mabüs bir çoq SİZO-da bulundı ve 3 biñ kilometrge yaqın mesafeni keçti. Erfan apishanege 2024 senesi dekabrniñ 20-nde ketirildi.
"Erfan mektüp yazdı. O, eki afta karantinde qalacaq, dep ayttı, soñra onı taqımğa keçirecekler. Bütün yaqınlarına selâmlarını yollay ve er keske destekleri içün teşekkür bildire", — dep aytıp berdi Ernest Osmanov.
2019 senesi martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri Alim Karimov, Seyran Murtaza, Erfan Osmanov, Cemil Gafarov ve Servet Gaziyevniñ evlerini tintip, olarnı tuttı. Umumen 20-den çoq insan tutuldı. 2019 senesi martnıñ 27-nde ve 28-nde Aqmescitniñ Rusiye rayon mahkemesi episini apiske aldı.
«Memorial» aq qorçalayıcı merkezi 2019 senesi martnıñ 27-nde Qırımda Rusiye quvetçileri tarafından tutulğan qırımtatar faallerini siyasiy mabüs dep tanıdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
