2024 senesi dekabrniñ 12-nde qırımlı cezahane yolbaşçısınıñ kamerasına kirgende saba namazını toqtatmağanı içün 15 künge ceza izolâtorına yerleştirildi. Bundan soñ Abdullayevniñ ŞİZO-da bulunması devam ettirile edi. Fevralniñ 10-nda izolâtordan çıqtı.
"ŞİZO-da bu sefer 60 kün oturdım, umumen ise — 1009 kün [koloniyada beş yıl devamında]", — dep yazdı Abdullayev, ne sebepten apis müddeti uzatılğanını añlatmayıp.
O, şunı da qayd etti ki, al-azırda sert şaraitli kamerada buluna. 2024 senesi dekabr ayında siyasiy mabüs ŞİZO-ğa yerleştirilmezden evel anda edi.
Teymur Abdullayevniñ aytqanına köre, ondan ğayrı, izolâtorğa "Hizb ut-Tahrir"niñ Yalta gruppasınıñ figurantı Muslim Aliyev ve namaznı toqtatmağa istemegen daa eki musulmannı yolladılar.
"Bu [namaznıñ toqatatılması], ğaliba, onıñ [izolâtornıñ yolbaşçısınıñ] öz-özüni izzetinefsine tesir etti. O, açuvlandı ve bizni ŞİZO-ğa qapattı. Yerli idare [FSİN] bunı yasaq etkenini ve arap tilinde olğanı sebebinden Quranlarnı kamerağa almağa izin bermediler", — dep qayd ete o.
Daa evel haber etilgenine köre, Rusiye tarafından maküm etilgen qırımtatarlar Teymur ve Üzeir Abdullayevler Rusiyeniñ Salavat şeerindeki koloniyada ağır şaraitlerde tutula.
Abdullayev ve İzetov "Hizb ut-Tahrir" davaları boyunca Rusiye makemesi tarafından maküm etildi. Olarnı 2003 senesinden berli Rusiyede yasaq etilgen, amma Ukrayinada ve dünyanıñ diger memleketlerinde serbest çalışqan "Hizb ut-Tahrir" halqara islâm siyasiy teşkilâtınıñ faaliyetine alâqası olğanında qabaatlaylar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
