Rusiye mahkemesi tarafından yedi yılğa azatlıqtan marum etilgen qırımlı uquq qorçalayıcı ve vatandaş jurnalisti İrına Danшıovıç ağır sağlıq problemlerinden şikâyet ete. 45 yaşındaki qadınnıñ başı ağıra, dep bildirdi İrınanıñ yaqın dostları Qırımtatar Resurs Merkezine.
Olarnıñ sözlerine köre, qadın devamlı şiddetli baş ağrısı, başı ve qulağında sızğırıq seslerden şikâyet ete
"Sol qulağında eşitüv qabiliyetini bütünley ğayıp etti. Buña baqmadan, cezahane memuriyeti onıñ çoq şikâyetlerini körmemezlikke ura ve kerekli tibbiy yardım köstermey, bu ise onıñ vaziyetini daa beter yapa. Siyasiy mabüs aynı zamanda qorqunçlı tutuv şaraitlerini qayd ete: pek yaramay aşayt ve kündüz oturmaq ya da yatmaq yasaq etile. Daimiy baş ağrısı olğan insan içün böyle sıñırlavlar pek yorucıdır", — dep tarif etti qırımlı qadınnıñ dostları.
Hatırlatamız, 2022 senesi qırımlı jurnalist ve aq qorçalayıcı İrına Daniıovıçnı FSB hadimleri alıp ketti. Daa soñra onı patlayıcı maddeler saqlağanında qabaatladılar, tahqiqat izolâtorında ise otit sebebinden uzun müddet tibbiy yardım kösterilmedi. Neticede faalniñ bir qulağı eşitmey, amma tedaviylenmey.
Keçken sene avgust ayında, koloniyada bulunğan soñ, Danılovıç qulaq ve baş ağrıları sebebinden tibbiy bölükke muracaat etti, amma ekim Lidiya Morozova, Danılovıç sağırlaşqan soñ, ağrı özü keçecek, dep ayttı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
