Rusiye Federatsiyasınıñ ordusı keçken künü 690 arbiyini ğayıp etti, dep bildirdi Ukrayina Silâlı quvetleriniñ Baş ştabı.
Berilgen malümatqa köre, Rusiyeniñ Ukrayinağa qarşı kerçekleştirgen büyük istilâsı başlağanından tahminen 139 770 biñ Rusiye arbiyi öldi.
Bundan ğayrı, Ukrayina Silâlı quvetleri Baş ştabınıñ malümatına köre, fevralniñ 24-nden Rusiyeniñ ğayıpları böyle oldı:
- 3 290 tank (+4)
- 6 507 zırhlı araba (+7)
- 2 303 top sisteması (+4)
- 466 çoqlu ateş raketa sisteması
- 236 ava mudafaa vastası (+2)
- 298 uçaq
- 286 vertolöt
- 2011 operativ-taktik seviyeli uçucısız cihaz
- 857 qanatlı raketa
- 18 gemi
- 5 161 maşina tehnikası ve avtotsisterna (+6)
- 219 mahsus tehnika (+1)
Fevralniñ 2-nde The New York Times Amerika ve diger ğarp memurlarına atfı etip, Ukrayinada öldürilgen ve yaralanğan Rusiye arbiylerniñ sayısı 200 biñge yaqınlaşqanını bildirgen edi.
Rusiye Mudafaa nazirligi keçken sene sentâbr ayından berli ğayıpları aqqında malümatnı gizley. O zaman yayınlağan malümatqa köre ise 5937 adam ölgen.
Faal arbiy areketler şaraitinde ğayıplar aqqında malümatnı teşkermek imkânsızdır.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
