Rusiyeniñ yalı boyu ücümleri artqan soñ, gemi şirketleri Ukrayina Qara deñiz limanlarını hızmet etmekni toqtattı, dep bildire AFP.
"Maersk" ve "Hapag-Lloyd" gemi şirketleri, Qara deñizdeki ameliyatlarını toqtatqanlarını bildirdiler. O, Ukrayinanıñ üç esas teren suv terminallarından biridir.
"Odesa vilâyetinde olğan soñki raketa ve uçucısız uçaq ücümleri ameliy telükelerni ve telükesizlik telükelerini bayağı arttıra", — dep aytıla Hapag-Lloydnıñ AFP içün bergen izaatında.
Amma Ukrayina bazarı alâ daa Poloniya ve Romaniya üzerinden avtomobil ve demiryol marşrutları ile temin etile, dep qayd etile haberde.
MarineTraffic monitoring saytınıñ malümatına köre, cumaaqşamı künü saba Ukrayina Qara deñiz limanına iç bir ticaret gemisi kirmedi.
Oraqnıñ 22-nde Ukrayina tış işler naziri Andriy Sıbiğa, o künü, esas "ekim toplama vaqtında" iç bir gemi Ukrayinanıñ Qara deñiz yolundan keçmedi, dep bildirdi. O, bu ücümler global aşayt havfsızlığı içün telükelidir, dep tenbiledi ve Ukrayina Oraqnıñ 27-nde BMT Telükesizlik Şurasınıñ acele toplaşuvını keçirmege teklif etkenini qoştı.
Ukrayina içün, esasen Asiya, Afrika ve Yaqın Şarqqa mahsulat ketirgen köy hocalığı ihracatı, 2022 senesi Kiçikten başlap devam etken cenk vaqtında para birleminiñ bazı menbalarından biri ola.