Ukrayinanıñ vaqtınca işğal etilgen territoriyasında qurulması aqqında Rusiye Federatsiyası bildirgen Qırım demiryolu ukrayin quvetleri içün "muim bir nişandır", dep bildirdi Ukrayina Mudafaa nazirliginiñ Baş istihbarat idaresiniñ temsilcisi Andriy Yusov.
"Bu ciddiy bir çağıruv, ciddiy bir telüke. Ukrayina mudafaa quvetleri içün bu müim bir nişandır. Planlar bar, olar er vaqıt kerçeklikke uymağan. Rusiyeniñ vaziyeti de aynı. Umumen alğanda, RF öz küçleriniñ teminlev logistikalarınıñ esas elementi olaraq tam demiryolnı qullanmağa devam ete. "Qırım köprü" ile olğanlardan olar memnün degil o tam derecede çalışmay. Onıñ içün demiryol alâqalarını quvetleştirmege tırışalar", - dedi o milliy telemarafonınıñ efirinde.
Onıñ aytqanına köre, bu planlarğa qarşılıq bar.
Rusiye bu qurucılıqnı bitire bilecekmi sualine GUR vekili "bu bir vazife" dedi.
2023 senesiniñ küzünde Rusiye akimiyeti Rostov-na-Donu ile Qırımnı birleştirecek demiryolnıñ qurulıvı başlağanını ilân etti. O vaqıt Donetsk tarafından qurucılıq başlağanı aqqında haber etilgen edi.
Britaniya istihbaratı qayd etti ki, Rusiye Ukrayinanıñ işğal etilgen qısmında demiryolnı devam ettire ve inkişaf ettire, şu cümleden, Mariupolğa yañı yolnı qura, bu ise Zaporojjâ cebesine logistikasını tezleştire bile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
