İşğal etilgen Qırımnıñ Rusiye akimiyeti çeşit memleketlerden kelgen balalarnı Ukrayına ordusınıñ qarşı ücüminde «canlı qalqan» olaraq qullanmağa planlaştıra. Bu aqta Ukrayınanıñ vaqtınca işğal etilgen topraqlarınıñ reintegratsiya meseleleri nazirliginiñ beyanatında aytıla.
Müessise rusiyeliler 12-13 yaşında balalarnı «Artek» Qırım lagerine celp etecek ola, dep bildirdi. Olar Qazahistan, İsrail, Belçika, Mağrip, Mısır, Tacikistan ve Ermenistandan balalar iştirak etken halqara yarışlarnıñ ğaliplerine yollanma teklif ete.
Litva Seyminiñ milliy telükesizlik ve mudafaa komitetiniñ yolbaşçısı Laurinas Kaşçünasnıñ aytqanına köre, Qırımnıñ Rusiye akimiyeti bunı eki sebepten yapa. Birinciden, yarımada işğaliniñ qanunğa uyğun olğanını köstermek içün. Ekinciden, diger memleketlerden balalarnı Ukrayına silâlı quvetleriniñ qarşı ücüminde «canlı qalqanğa» çevirmek.
Müessise qayd etkenine köre, bu ve diger devletlerniñ ükümetleri balalarını qorçalap, Rusiyege cinayetlerini balalarnen «saqlamağa» izin bermemeli.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
