Rusiye esirliginde elâk olğan jurnalist Viktoriya Roşçınanıñ cesedi Ukrayinağa daa qaytarılmadı, dep bildirdi cenk esirlerine munasebet meseleleri ukrayin ştabınıñ vekili Petro Yatsenko.
Onıñ cesedi eki kün evelsi vatanğa qaytarılmaq kerek edi. Rusiye Mudafaa nazirliginiñ Viktoriya Roşçinanıñ babasına yollağan mektübinde aytıla ki, jurnalist sentâbrniñ 19-nda vefat etti, onıñ cesedi ise Ukrayinağa "tutulğan şahıslarnıñ cesetleri ile deñişüv çerçivesinde" berilecek. Bu deñişüv ise oktâbrniñ 18-nde olıp keçti.
Roşçınanıñ cesedi deñişim cedvelinde bulunmağanınıñ sebepleri aqqında bir şey aytılmay. Petro Yatsenko tek "er şey, teessüf ki, Rusiye tarafına bağlı olğanını" ve "repatriatsiya işi jurnalistniñ ölümi aqqında haber etilgen soñ başlağanını" qayd etti.
Azatlıq Radiosınıñ ukrayin hızmeti ile işbirlik yapqan jurnalist Viktoriya Roşçına, Rusiyeniñ Ukrayinağa tam miqyaslı istilâsını başından aydınlattı. 2023 senesi avgust ayında Zaporojjâ vilâyetiniñ işğal etilgen qısmında Rusiye orduları tarafından esir alındı. Bu sene oktâbr ayınıñ başında Roşçına Taganrogdan Moskvağa etap etilgende elâk olğanı belli oldı.
В Главном управлении разведки Украины сообщили, что журналистка была включена в списки по обмену пленными. "Ее возвращение было согласовано и последняя известная информация – ее этапировали в "Лефортово" с целью подготовки возвращения домой", – заявил представитель ГУР Украины Андрей Юсов.
Viktoriya Roşçınanıñ ölüminiñ sebepleri belli degil. "İnsan aqları içün media teşebbüsi" teşkilâtınıñ temsilcisi Tatyana Katriçenko bildirdi ki, uquq qoruyıcılarnıñ malümatına köre, jurnalist 2024 senesi mayıs ayından sentâbr ayına qadar Taganrognıñ 2-nci SİZO-nda bir kişilik kamerada tutuldı. Bu izolâtorda bulunğan ve soñra vatanğa qaytarılğan Ukrayina vatandaşları muntazam sürette işkencege oğratılğanını bildirdiler. Roşçınanıñ ölümi ile bağlı Ukrayina Baş prokuraturası cinaiy iş açtı. O, cenk qanunları ve adetleriniñ bozuluvı ve öldürüv olaraq tahqiq etilecek.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
