Rusiye FSBsi tarafından ilhaq etilgen Qırımnıñ yalısında 2018 senesi noyabr ayında zapt etilgen gemilerniñ eñ genç ukrain deñizcisi Andrey Eyder dekabr 31-inde Marina adlı kezgen qızına evlendi.
Andrey ve Marina biri-birine yüzüklerni taqtı, bundan soñ kelin meydanda toplanğan seyircilerge güldestesini attı.
Azat etilgeninden soñ ukrain deñizci Volodımır Varimez ve Viktor Bespalçenko da evlenip yetiştirdi.
Sentâbrniñ 7-nde deñişim çerçivesinde rusiyeliler tutqan 35 ukrainalı Ukrainağa qayttı, Rusiyege Ukrainada çeşit cinayetlerde, şu cümleden Vatanğa hainlik yapqanında qabaatlanğan 35 Rusiye ve Ukraina vatandaşı teslim etildi. Oleg Sentsov, Oleksandr Kolçenko, Volodımır Baluh, Edem Bekirov, Yevğen Panov, Pavlo Ğrıb, Stanislav Klıh, Mıkola Karpük, Roman Suşçenko, Artur Panov, Oleksiy Sizonovıç ve 2018 senesi noyabrde zapr etilgen 24 deñizci azat etildi.
