Ukrayina Yuqarı Radasınıñ insan aqları vekâletlisi Dmıtro Lubinets Rusiye esirliginde olğan ukrayin arbiylerine açlıq çektirgenlerni bildirdi.
"Ballarnıñ arıqlağanı atta fotolarda körüne. Tasavur etiñiz ki, bugün men 63 kilo azıp-tozıp qalğan kişinen qonuştım. O birisi kün 70 kilo azğan adamnen qonuştım. Bu siyrek alar degil, er keske açlıq çektirdiler. Bugün 160 sm boyu olğan öglan 26 kilo azdı", - dedi ombudsman.
Onıñ sözlerine köre, Ukrayina ombudsmanı ofisi rusiye esirliginde olğan aman-aman episi ukrayin arbiyleri iskencelerge oğratılğanını qayd ete.
"Men olarnen birinci künü Çernigiv vilâyetinde laf ettim, anda biz 200 ukrayin esirini aldıq... Ballarımıznıñ bulunğan üç yerini artıq ziyaret ettik. Aman-aman episi ukrayin arbiyleri iskencelerge oğratılğanını qayd etemiz. Bu halqara cinayet mahkemesi içün kerek olacaq", - dedi Lubinets.
Ukrayına prezidentiniñ ofis yolbaşçısı Andriy Yermaknıñ gece bildirgenine köre, Ukrayına 215 arbiyini Rusiye esirliginden qaytardı. Onıñ aytqanına köre, 108-i – «Azov» polkunıñ askerleri.
Berilgen malümatqa köre, azat etilgen 124 imayeci zabit ola, 89-ı – adiy asker ve çavuş.
Fevralniñ 24-nden berli eñ büyük deñişim oldı, dep bildirdi Ukrayına ştabı. Azat etilgen imayecilerni reabilitatsiya, uyğunlaştıruv ve tedaviylev bekley.
Ukrayına prezidentiniñ ofis yolbaşçısı Andriy Yermak sentâbrniñ 22-ne keçer gecesi Ukrayına 215 arbiyini Rusiye esirliginden qaytardı, dep bildirdi. Onıñ aytqanına köre, 108-i – «Azov» askerleri.
Kyiv Moskvağa Rusiye prezidenti Vladimir Putinniñ kumı Viktor Medvedçuknı, umumen 55 rusiyeli esirni berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
