Rusiye ordusı aprelniñ 11-nde Ukrayınağa qarşı ava darbesi vaqtında dört vilâyette energetik infrastruktura obyektlerine ücüm etti, dep bildirdi Ukrayına energetika naziri German Galuşçenko.
«Harkiv, Zaporijjâ, Lviv, Kyiv vilâyetlerinde generatsiya obyektleri ve yetkizüv sistemaları ücümge oğradı. Energetikler aqibetlerini yoq etmek içün çalışa», – dep yazdı o, Facebookta.
Harkiv vilâyeti bildirgenine köre, şeerde kritik infrastrukturağa 10 darbe endirildi, elektrik problemleri bar edi. Bunıñ neticesinde kritik infrastruktura obyektive qarşı darbe ve yanğın aqqında Kyiv vilâyetiniñ akimiyeti bildirdi.
Rusiye arbiyleri Ukrayına regionlarına qarşı çeşit silâdan muntazam sürette ateş aça. Delil ve şaatlıqlarğa baqmadan, Moskva büyük istilâ başlağanından Ukrayınada vatandaşlarğa ve infrastrukturağa ücüm etkenini inkâr ete.
Mart ayında Rusiye Ukrayınağa qarşı bir sıra raketa ücümi kerçekleştirdi, hususan martnıñ 22-nde – soñki vaqıtları Ukrayına energetikasına qarşı eñ büyük ücüm oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
