Rusiye ordulsı İlk küzniñ 4-nde Ukrayina telükesizlik hızmetiniñ merkeziy binasına uçaqsız ücüm etti, dep bildirdi prezident Volodımır Zelenskıy.
"SBU hızmetiniñ yolbaşçısı Oleksandr Pokladnen laf ettim. Ne yazıq ki, rusiyeli dron Kıyivniñ Vladimirskaya soqağındaki SBU merkeziy binasına, Sofiya katedral kilsesiniñ qarşısına uruldı (o, UNESCO Dünya mirası cedveline kirsetilgen). Bütün acele hızmetler anda", — dep yazdı o telegramda.
Zelenskıy, dron "bu binada SBU yolbaşçısınıñ odasına doğru" yönelgenini bildirdi.
"Pokladğa, er şey azır olğanda, rusiyelilerge bu ücümge adekvat, añlayışlı ve mümkün olğanı qadar aynı şekilde cevap bermege vazife berdi. Arbiylerimiz bu cevapnı destekleycek", — dep qoştı devlet yolbaşçısı.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.