Rusiye dronları neytral suvlarda Türkiye sivil gemisine ücüm etti, geminiñ kapitanı elâk oldı, dep bildirdi Ukrayina prezidenti Volodımır Zelenskıy telegramda.
Bir adam daa qıdırıla, on bir ekipaj azası qurtarıldı, olardan biri yaralanğan.
"Türkiyege ait mısır taşığan sivil gemige neytral suvlarda eki Rusiye uçucısız uçaqları tarafından yapılğan deşetli darbe. Gemide Azerbaycan ve İndistan vatandaşları bar edi", - dep yazdı o.
Zelenskıy hatırlattı ki, em Ukrayina, em de üçünci memleketler Qara deñizde telükesizlikni temin etmek içün defalarca muayyen adımlar teklif etken ediler, amma Rusiye muntazam sürette "normal deñizcilik yerine terror ve vatandaş gemileriniñ batırılmasını saylay".
"Dünya azıq havfsızlığını ğayrıdan tiklemek içün basqı kerek. Ve buña kerçekten meraqlanğan er kes yardım etmeli", — dep qoştı Ukrayina prezidenti.
Rusiye Odesağa muntazam sürette ücüm ete edi, amma İlk yazdan başlap onıñ limanlarına, tahıl ve yağ terminallarına, em de Ukrayin limanlarındaki ticariy gemilerine ücümlerini quvetleştirdi.
Dünyanıñ aşlıq ihracatı içün müim olğan regiondaki kerginleşüvler, Lloyd's List Intelligence şirketine atfı etip, AFP yazğanına köre, halqara aşlıq fiyatlarınıñ artmasına ketire.