"Pervıy kanal" Rusiye relekanalınıñ efirinde Donbass esirleriniñ deñişmesi muzakere etilgende, Rusiye tış işler naziri Segey Lavrov, bir "mania" bar, dep ayttı.
"Bütün bu yıllar cedveller azırlanılğanda, esirlerniñ episi qarşılıqlı olaraq tasdıqlanmağanı belli oldı. Eki taraftan kerçek mevcut olğan adamlar kibi qabul etilgen cedveller bar. Er kes o adamlarnıñ ne yerde olğanını ve olarnı ne etip azat etmege mümkün olğanını bile", - dedi Lavrov.
Onıñ aytqanına köre, Rusiye prezidenti Vladimir Putin ve Ukraina prezidenti Volodımır Zelenskıy, Almaniya kantsleri Angela Merkel ve Frenkistan prezidenti Emmanuel Macronnıñ yanında, "bu adamlar belgilengen, cedveller bar, demek olarnı deñiştirirmiz", dep laf etken ediler.
"Şimdi Üç taraflı kontakt gruppasında yañı miyar peyda oldı: belgilendi - ebet, amma olarnıñ episi "usul baqımında temizlenmedi". Demek, bu, adamlarnıñ Yañı Yıl bayramınace qaytmalarına yañı bir maniadır", - dey Lavrov.
Dekabrniñ 18-inde Minskte "Normandiya dörtüniñ" sammitinden soñ Üç taraflı gruppasınıñ ilk körüşüvi kecti. Muzakereler gecege qadar yapıldı.
Parijde, Ukraina, Rusiye, Almaniya ve Frenkistan liderleri arasında añlasmalar Monckte resmiyleştirilecek, dep añlaştılar. Amma şimdilik bunı becermediler.
