Rusiye Dniprodaki bir hastahanege raketa darbesini endirgen. Bunıñ neticesinde eñ az bir insan elâ olğan, 15 yaralanğan. Bunı Ukrayina prezidenti Volodımır Zelenskıy haber etti.
"Rusiye terrorcıları insaniy ve namuslı olğan er şeyge qarşı küreşçi statusını tekrar tasdıqladı. Dniprodaki bir hastahanege raketa darbesi. Şimdilik ir insan elâk olğanı ve on beş yaralanğanı belli. Qaza yerinde dağıntılarnı temizleyler ve zarar körgenlerni qurtaralar", - dep yazdı o.
Gece ücümi vaqtında Rusiye ordusı raketa ve dronlarnen Dnipro vilâyetine ücüm etti. Yerli başlıqlarnıñ malümatına köre, Dniproda hususiy bir evde yanğın olğan. Bundan ğayrı yanğın daa eki şahsiy şirkette de olğan, bir insan zarar körgen.
Mayısnıñ 26-na keçken gece Rusiye ordusı Ukrayinağa 17 raketa ve 31 pilotsız uçaqnen udljüm etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
