Rusiye Federatsiyasınıñ Tış işler nazirligi Almaniya akimiyeti memleketten Rusiye diplomatlarını sürgün ete, dep bildirdi. Beyanat müessise saytında derc etildi.
Rusiye Tış işler nazirligi buña cevap olaraq alman diplomatlarınıñ «küzgü» sürgüni aqqında ilân etti, em de Rusiyede Almaniya diplomatik temsilcilikleriniñ hadim sayısını pek sıñırladı. Beyanatqa köre, Almaniya elçisi Geza Andreas fon Gayr Rusiye müessisesiniñ qararı aqqında resmiy şekilde aprelniñ 5-nde haberdar etildi.
Mart ayında Focus neşiri Almaniya 30-dan çoq Rusiye diplomatını memleketten sürgün etüv imkânını baqa, dep yazdı. Kütleviy haber vastaları bildire ki, Almaniya telükesizlik organlarınıñ hulâsasına köre, Rusiye vekilleri diplomatik imkânlarını qullanıp, sabotaj ve yalan malümat tarqatmaq maqsadınen insanlarnı celp ete bile.
2022 senesi aprel ayında Almaniya 40 Rusiye diplomatınıñ memleketke kirişini yasaqladı, Rusiye 40 alman diplomatını sürgün etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
