Rusiye oktâbrniñ 30-nda gece ve saba Ukrayinağa büyük kütleviy darbe endirdi, 650-den ziyade dron ve elliden ziyade çeşit raketa qullanıldı, dep bildirdi prezident Volodımır Zelenskıy.
“Çoq uruldı, amma, ne yazıq ki, darbeler bar. Zaporijjâda adiy mesken evler zarar kördi, yataqhane yıqıldı. Darbe neticesinde onlarnen yaralanğan aqqında belli, beşi bala. Eki insan, ne yazıq ki, elâk oldı… Ladıjinde yedi yaşında oğlançıq ağır yaralandı. Regionlarda energetika ve adiy yaşayışqa alçaq darbeler oldı: Vinnıtsâ, Kyiv, Mıkolayıv, Çerkası, Poltava, Dnipro, Çerniğiv, Sumı, İvano-Frankivsk, Lviv vilâyetlerinde”, – dep yazdı devlet yolbaşçısı içtimaiy ağlarda.
Zelenskıy “Amerika, Avropa, “Edi gruppasınıñ” memleketleri Moskvanıñ er şeyni yoq etmek istegini körmemezlikke urmazlar”, dep ümüt etkenini bildirdi.
“Basqıda yañı adımlar kerek: Rusiye cermay gaz sanayısı ve maliye, bu cenkke para bergenlerge qarşı ekinci sanktsiyalar”, – dep ayttı Ukrayina prezidenti.
Ukrayina oktâbrniñ 30-nda gece ve saba Rusiye uçucısızları ve çeşit raketalarnıñ ücümine oğradı. Ava telükesi bütün memlekette ilân etildi.
