Rusiyeniñ Orenburg vilâyetiniñ Novotroitskoye şeerindeki 5-nci cezahanesinde Qırımda "casuslıq" qabaatlı ile mahküm etilgen ukrayin Konstantin Şiring öldi öldi. Bunı öz menbalarına atfı etip "Qırım uquq qoruyıcı gruppası" haber etti.
"Yürek hastalığı içün Konstantinniñ tibbiy yardımğa ihtiyacı bar edi. Amma tibbiy yardım oña kösterilmedi. Rusiye apishanelerinde vatandaşlarımızğa tibbiy yardım kösterilmemesi siyrek bir şey degil, muntazam bir tecribedir. Onıñ ölümi içün mesüliyet cezahaneniñ reberligi üzerine tüşe. Bu sebepten Rusiyede tutulğan bütün ukrayin vatandaşlarınıñ azat etilüvi içün er angi mehanizmlerini celp etmek kerek. RF cezahanelerindeki şarait ayat içün kerçekten telükelidir", - dedi Olga Skrıpnık.
Al-azırda bu malümat diger menbalardan tasdıqlanmadı. "Uquq qoruyıcı gruppası"nıñ bildirgeni kibi, bu cezahane "şekliy tahqiqat keçrecegi" ile bağlıdır.
2020 senesi Rusiye FSB-si işğal etilgen Qırımda "ukrayin istihbarat ve diversiya gruppası"nıñ iştirakçilerini yaqalağanını bildirgen edi.
2021 senesi avgust ayında Qırımda qapalı rejimde Şiringniñ davası boyunca ilk mahkeme oturışı olıp keçken edi. Oturış vaqtında mahkemelengen yaramağan edi.
2021 senesi oktâbr ayında Rusiyeniñ nezareti altında olğan qırım Yuqarı mahkemesi 61 yaşındaki ukrayinni 12 yıl apis cezasına makhüm etken edi. O casuslıq ile qabaatlandı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
