Rusiye Dnipronıñ ğarbinde bölüklerine seferber etilgenlerni ketirdi, bu da «teminlevleri alçaq seviyede olğanını» köstere, dep tüşüne Büyük Britaniyanıñ istihbaratı, dep bildire memleketniñ Mudafaa nazirligi oktâbrniñ 28-nde.
İstihbarat Rusiye zabitleri sentâbr ayında Herson sektorında altı-sekiz kişilik rotalar aqqında bildirgen edi, dep qayd ete. Adet üzre rotalar tahminen 100 arbiyden ibaret ola.
«Soñki altı aftada Rusiye qara ordusınıñ Ukrayınadaki cebeniñ çoqusı rayonında mudafaa mevzilerine keçüv adımları açıq edi. Bu, büyük ihtimal, doğru qıymet kesüvnen bağlıdır, çünki temin etilmegen, yaramay azırlıq körgen ordu Ukrayınada tek mudafaa etile bile», – dep bildire müessise.
İstihbaratnıñ malümatına köre, Rusiye Ukrayınada mudafaağa irişe bilse, keyfiyetli ordunen temin etilmegen soñ operativ planı küçlü olmaycaq.
Ukrayına Silâlı quvetleri oktâbrniñ 28-nde saba bildirgenine köre, Rusiye ordusı Hersonnıñ sağ tarafında yañı seferber etilgenlernen quvetleştire.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
