Onıñ bildirgenine köre, Kreml Qırım sakinlerinden ayrı bölük şekillendirmege tırışa.
«Bir qaç afta evelsi kelgen haberge köre, Rusiye İç işler nazirliginiñ vekilleri Qırım musulmanlarınıñ sahte müftisi Emirali Ablayevnen körüşti. Bu körüşüv vaqtında bu bölükke Qırım sakinlerini, hususan musulmanlarnı celp etüv meseleleri muzakere etildi», – dedi Çubarov.
Onıñ fikirince, Qırım sakinleriniñ bölügini quruv ğayesi muvafaqiyetsiz olacaq.
Rusiye prezident Vladimir Putin baarde Rusiye ordusına aluv buyruğını imzaladı. Aprelniñ 1-nden iyülniñ 15-ne qadar askerlikke aluv devam etecek.
Rusiye akimiyeti baarde işğal etilgen Qırımdan 2,5 Bin insannı askerlikke almağa planlaştıra.
Qırımtatar resurs merkeziniñ yolbaşçısı Eskender Bariyev Rusiye akimiyeti ve Rusiye arbiyleri Qırımda 19-ıncı qanunsız askerlikke aluv kampaniyası çerçivesinde 15 biñ qadar qırımlını Rusiye ordusına almağa niyetlene.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
