Ukrayinanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, Rusiye öz toprağına bir million eki yüz biñ Ukrayina vatandaşını sürgün etkenini bildire. Bunı o Azatlıq Radiosına haber etti.
Onıñ sözlerine köre, Ukrayinanıñ vaqtınca işğal etilgen topraqlarınıñ reintegratsiya meseleleri nazirligi böyle insanlarnıñ keri qaytarılması içün Rusiyede temsil olunğan bütün halqara teşkilâtlar ile işbirilk ete.
"Konsullıq organınıñ vazifesini eda etken üçünci memleket olması aqqında añlaşmağa tırışamız. Ümüt etem ki, insanlarnıñ çoqusını keri qaytarıp olurmız. İnsanlarnıñ Rusiyege ketmek istemelerine qarşı degilmiz, amma bu mecburiy olmasına qatiyen qarşımız. Ve Rusiye ukrayinlerniñ sürgün etilmesi içün gumanitar körridorlarnı qullanmasına itiraz etemiz", - dedi Vereşçuk.
Evel Rusiye ukrayinlerniñ mecburen çıqarılmasını inkâr etken edi. Şu cümleden, Rusiyeniñ BMT-daki daimiy temsilcisi Vasiliy Nebeznâ Telükesizlik Şurasında sözge çıqarken, bunı bildirgen edi.
Bundan əvvəl Rusiya ukraynalıların zorla çıxarılmasını təkzib etmişdi. O cümlədən, Rusiyanın BMT-dəki daimi nümayəndəsi Vasili Nebenzya bu barədə BMT Təhlükəsizlik Şurasının iclasında bildirib.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
