Belgorod vilâyetinde tren yolları yanında tüşken raketa parçaları sebebinden Novooskolsk okrugında trenlerniñ areketi toqtatıldı. Bu aqta Belgorod vilâyetiniñ yolbaşçısı Vâçeslav Gladkov Telegram kanalında haber ete.
Belgorod vilâyetiniñ valisi aytqanına köre, oktâbrniñ 14-nde saba Novıy Oskol rayonında ava mudafaası bir qaç raketanı tüşürdi. Olarnıñ parçaları tren yolundaki elektrik hatlarına zarar ketirdi. Adise neticesinde yaralanğanlar yoq.
Bundan evel Belgorodda raketa parçaları ya da uçucısıznıñ parçaları sebebinden çoq qatlı ev zarar kördi. Şeerde ava mudafaa sisteması çalıştı. Neticede bir silâ anbarında patlav oldı. Regionnıñ akimiyeti bu adiseni Ukrayına tarafından açılğan ateşnen bağlay.
Ukrayına tarafı Belgorodqa qarşı ateş aqqında bildirmedi. Ukrayına Rusiyege qarşı açılğan ateşni resmiy şekilde izaatlamay. Cenk başlağanından Belgorodda bir qaç kere patlavlar oldı, ilk malümatqa köre, sebebi ateş oldı. Birinde bir qaç kişi öldi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
