Rusiyede yerli sakinler Belgorod vilâyetiniñ Novıy Oskol şeerinde patlavlar aqqında haber ete. «Moy Belgorod» Telegram kanalı oquyıcılarınıñ malümatına esaslanıp haber etkenine köre, Novıy Oskolda arbiy obyekt yana, patlavlar eşitile.
«Belgorod Posluşano» Telegram kanalı da yerli sakinlerniñ malümatına esaslanıp, arbiy obyektte yanğın çıqtı, dep bildire.
Amma Novıy Oskol şeer okrugı memuriyetiniñ yolbaşçısı Andrey Gridnev «ateşnen diqqatsız areket neticesinde» vaqtınca inşaat yanıp başladı. Yaralanğanlar yoq. Belgorod vilâyetiniñ valisi Vâçeslav Gladkov bu malümatnı izaatlamadı.
Rusiyeniñ sıñır regionlarında muntazam sürette patlavlar ola. Rusiye tarafı Ukrayınanı sıq-sıq qabaatlay, amma Kyiv bunı resmiy şekilde izaatlamay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
