Baza malümatına köre, yanğın yaquv ocağında çıqtı. Astra Ufada üç istisal meydançığından ibaret PAO ANK «Başneft» cermay kompleksine qarşı darbe aqqında haber ete.
Dnipro Ukrayina OSINT-kanalı bildirgenine köre, cermay distillâtlarınıñ gidrotemizlevi içün L-24-7 tertibatı ve cermay rezervuarları zarar kördi. Bundan ğayrı, «cermay mahsulatı olğan obyektlerge ücüm etildi, müessiseniñ tehnologik infrastrukturasınıñ bir qısmı yandı ve yoq etildi»
Başkortostandaki Rusiye Fevqulâde vaziyetler nazirliginiñ idaresi bir qaç saattan soñ müesissede yanğın söndürildi, dep bildirdi. Ufadaki cermay zavodında çıqqan yanğınnıñ sebebi tehnologik esnaslar oldı, dep bildirdi idareniñ matbuat hızmeti.
Rusiye Federatsiyasınıñ Mudafaa nazirligi Lipetsk, Rostov ve Belgorod vilâyetlerinde yedi uçucısız tüşürildi, dep bildirdi. Rusiye akimiyetiniñ malümatı mustaqil menbalarda tasdıqlanmalı.
Fevralniñ 26-nda Ukrayina Silâlı quvetleriniñ Baş ştabı Ukrayina quvetleri fevralniñ 26-na keçer gecesi işğal etilgen Qırım ve Krasnodar ülkesindeki Rusiye quvetleriniñ strategik obyektlerine qarşı darbeler endirdi, dep bildirdi.
Hususan, Tuapse cermay zavodına darbe endirildi. Ukrayina Silâlı quvetleriniñ Baş ştabı qayd etkenine köre, Tuapse cermay zavodı yılda 12 million tonna cermay işley, 90%-dan ziyadesi ihracatqa kete, ve bu müessise Rusiye ordusını teminlevge «faal celp etile».
ASTRA neşiri esaplağanına köre, bir yılda Ukrayina Silâlı quvetleri 27 yaqıt-energetika obyektine ücüm etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
