Rusiye baş nazir muavini Marat Hunsullin Qırımnıñ «kuratorı» vazifesine kene tayin etildi. Bu qararnı Rusiye ükümetiniñ başı Mihail Mişustin aldı, dep haber ete onıñ matbuat hızmeti.
Husun evel olğanı kibi Qırımnıñ içtimayi inkişafından, devlet ayırğan paralar ne qadar semereli qullanşanından mesül olacaq.
Bundan ğayrı, Hunsullin mıntaqaviy inkişaftan Rusiye ükümet komissiyasınıñ başı olacaq.
2020 senesi Hunsullin Qırımnıñ kuratorı vazifesine tayin etilgen edi. Ondan evel bu vazifeni sabıq Rusiye baş nazir muavini Dmitriy Kozak eda ete edi.
2020 senesi yanvarnıñ 21-nde Rusiye prezidenti Vladimir Putin Hunsullinni baş nazir muavini vazifesine tayin etti. Bundan evel o, Moskva şeer başınıñ muavini edi.
