Sahalinniñ cenübinde 600 balıqçı bulunğan buz parçası ayırıldı, dep haber ete «Sibir.Realii» Fevqulâde vaziyetler nazirligi regional idaresiniñ matbuat hızmetiniñ malümatına esaslanıp. Müessise hadimleri qurtaruv işlerini keçire.
Qaza Korsakov rayonında oldı. Svobodnıy limanındaki Mordvinov körfezinde yerli saatnen (5.00 msk) 13.00-da çatlaq peyda oldı. 600-ge yaqın balıqçı yalıdan kesildi.
Qurtaruv işlerinde Fevqulâde vaziyetler nazirliginiñ 18 hadimi ve 14 mahsus tehnika iştirak ete. Mi-8 vertolöti de çıqmağa azır, dep qayd etti müessise.
