Rusiye aviatsiyası Hersonğa ateş açtı, dep bildirdi Herson şeeriniñ arbiy memuriyet yolbaşçısı Roman Mroçko.
«Rusiye ordusı Hersonğa aviatsiya yardımınen ateş açtı. Dnipro rayonında ücüm qayd etildi», – dep yazdı o, Telegram kanalında.
Yaralanğanlar ve zararlar aqqında malümat berilmey.
Ukrayına Silâlı quvetleriniñ ava quvetleri cenübiy-şarqiy yönelişte Rusiye taktik aviatsiyasınıñ faalligi aqqında tenbiledi.
Rusiye ordusı aman-aman er kün Herson vilâyetiniñ işğalden azat etilgen qısmına ve vilâyet merkezine ateş ete. Delil ve şaatlıqlarğa baqmadan, Moskva büyük istilâ başlağanından vatandaş şahıslarına qarşı ücümni inkâr etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
