Keriç üzerinde Rusiye Ğalebe künü içün paradnıñ ava qısmınıñ repetitsiyası keçti. Bunı şeerniñ başı Sergey Borozdin bildirdi.
"Şeer üzerindeki kökte qırıcı uçaqlar, cebe bombardıman uçaqlar ve arbiy uçaqlar uça. Tantanalı paradnıñ basqa tarihke keçirilgenine baqmadan, uçucılar azırlavlarını devam ete", - haber etti Borozdin.
Daa evel Vladimir Konstantinov bildirdi ki, Qırımda Ğalebe kününda merasimler keçirilmeycek.
Şimdilik Qırımda 79 koronavirus adisesi tasdıqlandı. Olardan 20-si çetelden ketirildi, 10-u Rusiyeden ketirildi, 49 adise - yerli adiselerdir. Aqyarda umumen 36 COVID-19 hastası bar.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
