"İlk malümatqa köre, istilâcı İskander-M ya da KN-23 tipindeki ballistik silânı qullandı. Aqmescitte ve şeerniñ civarında ava mudafaasınıñ küçleri ve vastaları çalıştı", — dep bildirdiler KGVA matbuat hızmetinde.
Kıyiv şeer akimiyetiniñ malümatına köre, duşman raketalarınıñ yoq etilüvi qayd etildi, silânıñ tam modifikatsiyası ve miqdarı Ukrayina Ava Quvetleriniñ esabatlarında aydınlatılacaq.
Avgustnıñ 6-nda saba Ukrayina paytahtınıñ akimiyeti ücüm neticesinde zarar körgenler ve viraneler aqqında haber etmedi.
Avgustnıñ 5-nde aqşam Ukrayina bir sıra vilâyetlerinde Kıyiv ve Poltava vilâyetleri yönelişinde ücüm etken dron ve "suratlı nişankar" telükesi sebebinden ava telükesi ilân etildi. Kıyivde küçlü patlavlar oldı.
Rusiye arbiyleri çeşit silâ çeşitleri ile muntazam sürette ukrayin regionlarına ücüm ete. Delillerge ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
