Link açıqlığı

Saatnıñ esas haberi

«Bahmutnı unutıp, Yaltağa azırlanıñız» – Podolâk Rusiye arbiylerine mahkeme aqqında tüşünmege tevsiye etti


Nümüneviy fotoresim
Nümüneviy fotoresim

Ukrayına prezidentiniñ ofisi Rusiye ordusınıñ Donetsk vilâyetindeki Bahmut şeerini işğal etüv ıntıluvları neticesiz olacaq, dep bildire. Bu aqta dekabrniñ 3-nde Ukrayına prezidentiniñ ofis yolbaşçısınıñ mesleatçısı Mıhaylo Podolâk Twitterde yazdı.

«Bahmut. Cenk içün iç bir strategik manası olmağan şeer civarında Kreml biñleren seferber etilgen, mabüs, añlaşma yapılğan ve arbiyni köme. Özüne isbatlamağa isteyler: daa bir şeyge yaraymız! Yoq, yaramaysıñız. Bahmutnı unutıñız. Yaltağa azırlanıp başlañız – Yalta mahkemesine», – dedi memur.

Bahmut – Donetsk vilâyetiniñ bir şeeri, Rusiye arbiyleri beş aydan berli onı işğal etmege tırışa. Bu yönelişte çoq ğayret kösterseler de, Bahmut yaqınlarında tek bir qaç kilometr ilerilep oldılar. Şeerde Ukrayına Silâlı quvetleriniñ silâ ve tehnikasını ketirgen yol qala.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG