Rusiye Federatsiyasınıñ arbiyleri vatandaş urbasını kiyip, Kahovka gidroelektrostantsiyası patlatılğan soñ Dnipronıñ sağ tarafına eali olaraq tahliye olmağa tırışa. Bu aqta Ukrayına milliy tirenüv merkezi bildire.
«Böylece işğalciler azat etilgen Herson vilâyetiniñ topraqlarına diversion-istihbarat gruppalarını kirsetmek içün Kahovka gidroelektrostantsiyasınıñ patlatıluvını qullanmağa planlaştıra», – dep aytıla haberde.
İyünniñ 6-nda saba Rusiye Herson vilâyetinde Kahovka gidroelektrostantsiyasını patlattı, dep bildirdi Ukrayına arbiyleri.
Ukrayına prezidenti ofisiniñ yolbaşçısı Andriy Yermak Kahovka gidroelektrostantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin ete.
Ukrayına milliy telükesizlik ve mudafaa şurasınıñ kâtibi Oleksiy Danılov Kahovka gidroelektrostantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
