İlk küzniñ 14-ne keçer gecesi Rusiye arbiyleri Ukrayina toprağına Rusiyedeki eki yönelişten ve ilhaq etilgen Qırımnıñ Sarabuzqasabasından ve Donetsk şeerlerinden 108 dronnen ücüm etti, dep bildirdi Ukrayina Arbiy ava quvetleri.
İlk malümatqa köre, saat 08:00-ge qadar ava mudafaası tarafından 85 duşman "Şahed", "Gerbera" ve diger tiplerdeki dronları urulıp tüşürilgen ya da yoq etilgen. Yedi yerge duşmannıñ ava ücüm vastaları urdı", — denile beyanatta.
Rusiye arbiyleri ücümni izaatlamadı.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.