Rusiye arbiyleri Qırımnıñ yalı rayonlarında yaşağan insanlarnı plâjlar vatandaşlar içün qapatıla bile, dep tenbiledi. Bu aqta «Qırım ğayesi» aq qorçalayıcı areketi haber ete.
Bundan ğayrı, «Qırım ğayesi» ekspertleriniñ malümatına köre, Rusiye arbiyleri ordusı deñiz yalısı boyunca fortifikatsion inşaatlar qurğan rayonlarda kiçik ötellerge müddet aytmayıp yerleşe.
«Yalı qasabalarınıñ sakinlerini kurort mevsimi olmaycaq ve plâjlar vatandaşlar içün bütünley qapatıla bile, dep tenbilegenler. Bundan ğayrı, «Qırım ğayesiniñ» ekspertleri bala lagerleriniñ mülki alınğanını ve deñiz yalısında fortifikatsiyalar qurulğan regionlarda kiçik ötellerde arbiyler qalğanını qayd etti», – dep bildire «Qırım ğayesi» Facebookta.
Baarniñ başında mediada Qırımda Kezlev yanındaki plâjlarda pekitüv inşaatları qurula dep malümat peyda oldı. İçtimaiy ağlarda bu inşaatlarnıñ videosı peyda oldı.
Daa evel berilgen malümatqa köre, Kezlevden Yalı Moynaq (Zaozernoye) qasabasına qadar yalı kenarında Rusiye ordusı 7 kilometr 800 metr uzunlığında okop qazdı. Uydu fotoresimlerini Qırım.Aqiqat ve Azatlıq Radiosınıñ «Shemı» leyhası tarafından derc etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
