Qırımda Rusiye Federatsiyasınıñ arbiyleri ordunıñ tehnikasını tamir etmek ve ğayrıdan qullanmaq içün yerli tamircilerni toplay. Bu aqta Milliy tirenüv merkezi haber ete.
«Ukrayınanıñ qarşı ücümi vaqtında Rusiye işğalci ordusı arbiy tehnikasını coya. İşğalciler eski silânı yetmegen tehnika yerine qullanmağa azırlana», – dep aytıla haberde.
Berilgen malümatqa köre, Rusiye ordusında zarar körgen ya da eskirgen arbiy tehnikanı ğayrıdan tiklep olacaq mütehassıslar yetmey. Şunıñ içün Rusiye tehnik hızmet stantsiyalarında çalışqan qırımlı tamircilerni zorlap celp ete.
Milliy tirenüv merkezi Qırımnıñ Rusiye akimiyeti gizli teşkilâtlarnı qıdıruv tedbirlerini quvetleştirecek, dep bildirgen edi. Qayd etilgenine köre, vesiqalar, naqliyat vastaları ve vesiqaları daa tafsilâtlı teşkerile. Rusiye uquq qoruyıcıları bilgisayar tarihçesini, içtimaiy ağlarda abunelerni, ukrayın saytlarınıñ blokunı keçmek içün cep telefonlarında olğan VPNlerni teşkere.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
