Herson vilâyetiniñ sol yalısındaki Rusiye arbiyleri vilâyet merkezinde hastahanege ateş açtı, dep haber ete OVA başı Aleksandr Prokudin ve şeer arbiy memuriyetiniñ başı Yaroslav Şanko.
9:20-da Rusiye işğal ordusı vaqtınca işğal etilgen sol yalıdan Dnipro rayonındaki sağlıq müessisesine ateş açtı. Sağlıq hadimleri ve bala yaralandı.
56 ve 66 yaşındaki qadınlar orta ağır alda bulunalar, ekisiniñ de mina-patlav yaraları ve parça yaraları bar. 41 yaşındaki aqay ağır yaralandı, bundan ğayrı, mina-patlav yaraları, baş ve köküs yaraları bar. 9 yaşındaki qız yengil yaralandı.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
