Rusiye arbiyleri Hersonnıñ Şümen mikrorayonında drondan avtobusqa ücüm etti, bir adam elâk oldı. Bu aqta Herson vilâyetiniñ arbiy memuriyet yolbaşçısı Oleksandr Prokudin bildirdi.
Onıñ aytqanına köre, daa doquz adam yaralandı.
Rusiye arbiyleri Hersonda cemaat naqliyatına birinci kere ücüm etmey. Keçken sene dekabrniñ 1-nde dron mikroavtobusqa patlayıcı madde taşladı, üç adam can berdi, sekiz kişi yaralandı.
Rusiye arbiyleri Ukrayina regionlarına çeşit silâ çeşitleri ile ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
