Keçken künü Rusiye ordusı Herson vilâyetiniñ territoriyasını 51 kere ateşke tutqan. Bunı Ukrayina prezidenti ofisiniñ yolbaşçısınıñ muavini Kırılo Tımoşenko haber etti.
Onıñ sözlerine köre, Rusiye ordusı viyaletni mina topularından, çoqlu ateş raketa sistemasından ve toplardan ateşke tuttı. Ateşke tutma neticesinde mesken maalleler, hastahane, tükânlar zarar körgen.
Bundan ğayrı işğalcilerniñ mermileri infraterkip obyektlerine de zarar ketirgen.
Herson ve vilâyetniñ bir qısmını Rusiye arbiyleri martnıñ başında işğal etti. Noyabrniñ 11-nde Ukrayina Mudafaa nazirligi Herson Ukrayina ordusınıñ kontroline qayta, dep bildirdi. Şeerniñ merkezinde Ukrayina bayrağı köterildi. Ukrayina arbiyleriniñ malümatına köre, Herson vilâyetinde Dnipronıñ sağ tarafında soñki afta içinde 4,5 biñ metr kârede 179 mesken yer işğalden azat etildi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
