''Olhovat cemiyetiniñ meskün yerine eki duşman avia bombası kelip urdı. Vatandaşlar ile maşnağa urulğanı qayd etildi: eñ azından eki elâk olğan vatandaş - aqay ve onıñ apayı. Bundan ğayrı, şahsiy evniñ yanğınğa oğrağanı aqqında da haber etile, eki kişi yaralandı'', - dep yazdı memur.
Onıñ aytqanına köre, bütün acele hızmetler anda çalışa. Soñra Oleğ Sineğubov elâk olğanlarnıñ sayısı üçke arttı, dep qoştı.
"Avtomobilniñ yanında 17 yaşındaki qıznıñ cesedi tapıldı, onıñ şahsiyetini ögreneler", - denile beyanatta.
Rusiye arbiyleri farqlı silâ çeşitleri ile muntazam sürette Ukrayina regionlarına ücüm ete.
Moskva, isbat ve delillerge baqmadan, tam miqyaslı istilâ başlağanından berli Ukrayinada vatandaşlarğa ateş açılğanını red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
