Cumaertesi künü, avgustnıñ 19-nda, Rusiye Federatsiyasınıñ ordusı Çerniğiv merkezine darbe endirdi, dep bildirdi vilâyetniñ arbiy memuriyet yolbaşçısı Vâçeslav Çaus.
«Büyük ihtimalnen, ballistika raketa. Sığınaqlarda qalıñız», – dep aytıla haberde.
Çerniğiv şeer yolbaşçısı vazifelerini eda etken Oleksandr Lomako darbe neticesinde yaralanğanlar bar, dep bildirdi. Soñra elâk olğanlar aqqında da haber etildi, dep qoştı.
Çerniğivge açılğan ateşni Ukrayına prezidenti Volodımır Zelenskıy da izaatladı: «Terror devletinen qomşu olmaq budır, bütün dünyanı buña qarşı birleştiremiz. Rusiye raketası şeer merkezine, Çerniğivimizge tüşti. Meydan, poltehnika, teatr. Rusiye adiy cumaertesini acı ve ğayıp kününe çevirdi. Elâk olğan, yaralanğanlar bar. Tuvğanlarını coyğanlarğa taziyelerimni bildirem… Bütün hızmetler çalışa».
Rusiye arbiyleri raketa, uçucısızları, topları yetken Ukrayina şeerlerine muntazam sürette ateş aça. Delillerge baqmadan, Rusiye vatandaş ve arbiylerge qarşı cenk cinayetleri alâqası olğanını inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
