Link açıqlığı

Saatnıñ esas haberi

Ukrayınada elâk olğan Rusiye arbiyleri 140 biñden çoq oldı – Ukrayına Silâlı quvetleriniñ Baş ştabı


Nümüneviy fotoresim
Nümüneviy fotoresim

Keçken künü Rusiye ordusınıñ 690 arbiyi elâk oldı, dep haber ete Ukrayına Silâlı quvetleriniñ Baş ştabı fevralniñ 16-nda saba.

Böylece, Ukrayına komandanlığınıñ malümatına köre, bıltır fevralniñ 24-nden Rusiye 140 460 insannı ğayıp etti.

Ukrayına Silâlı quvetleriniñ Baş ştabı Rusiye tehnikasınıñ ğayıpları aqqında yañı malümat bere:

  • 3 296 tank (+6 keçken künü)
  • 6 517 zırhlı araba (+10)
  • 2 306 top sistemaları (+3)
  • 466 toplu ateş reaktiv sistemaları
  • 239 ava mudafaa vastaları (+3)
  • 298 uçaq
  • 287 vertolet (+1)
  • 2012 operativ-taktik seviyeli uçucısız (+1)
  • 857 qanatlı raketa
  • 18 gemi ve kater
  • 5 167 maşina ve avtotsisterna (+6)
  • 219 mahsus tehnika

Fevralniñ 2-nde The New York Times neşiri Amerika ve diger ğarbiy memurlarınıñ malümatına esaslanıp, Ukrayınada öldürilgen ve yaralanğan Rusiye arbiyleriniñ sayısı 200 biñge yaqınlaşa, dep bildirdi.

Ğarp memurları Rusiye Bahmut ve Soledardaki uruşlarda arbiylerini çoq coydı, dep qayd ete.

Noyabr ayında ABD ştablarınıñ birleşken yolbaşçılar komitetiniñ reisi general Mark Milli cenkte eñ az 100 biñ Rusiye arbiyi öldi ve yaralandı, dep bildirgen edi.

Rusiye bu malümatnı aydınlatmay. Rusiye Mudafaa nazirligi soñki sefer 2022 senesi sentâbrniñ 21-nde malümat berip, 5937 kişi öldi, dep haber etken edi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG