Rusiye işğal etken Qırımda endi 359 Rusiye arbiyi defin etildi, dep bildire Ukrayına prezidentiniñ Qırım Muhtar Cumhuriyetindeki temsilciligi.
«Mayısnıñ 8-ne qadar işğal altındaki Qırımda eñ az 359 Rusiye askeri defin etildi. 252-si Ukrayına vatandaşı edi», – dep haber ete temsilcilik.
Qayd etilgenine köre, defin sayısı daa ziyade ola bile, çünki bu adiselerniñ büyük qısmı aydınlatılmay.
Temsilcilikniñ esabatına köre, aprelniñ 25-ne qadar Qırımda eñ az 349 Rusiye arbiyi defin etildi. Yani aprelniñ soñundan başlap eñ az 10 Rusiye arbiyi defin etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
