Qırım ve Rusiye Telegram kanalları Su-34 Rusiye arbiy uçağı tüşken yerden foto ve video derc etti. Krasnoperekopsk rayonında tüşken uçaq aqqında bir kün evelsi haber etilgen edi.
«Voyennıy Osvedomitel» Telegram kanalı sentâbrniñ 12-nde uçaqnıñ parçaları ve Rusiye arbiy tehnikası körüngen videonı derc etti.
Romanov Layt Telegram kanalı haber etkenine köre, «uçaq Herson vilâyetinde ava mudafaa raketasınen tüşürilip, yanğan areketçilernen Qırımğa qadar dayandı».
Rusiye Mudafaa nazirliginiñ resmiy izaatları daa yoq.
Hatırlatamız, sentâbrniñ 11-nde saba Rusiye ve Qırım saifeleri Krasnoperekopsk rayonında Rusiye arbiy uçağı tüşti, dep bildirdi. Berilgen malümatqa köre, uçaqnı idare etken eki uçucı mancınıq oldı.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
