Qırım ve Novorossiysk Rusiye arbiy deñiz bazalarınıñ gemi ekipajları, Qara deñizde raketa ve artilleriya atuvlarnı keçire. Bu aqta Rusiye Qara deñiz flotunıñ resmiy vekili Aleksey Rulev bildirdi.
Rusiye Mudafaa Nazirliginiñ matbuat hzmeti bildirgeni kibi, gemi ekipajları “arbiy azırlanuv planına binaen kurs vazifeleriniñ tapşırmasını becere”.
Rusiye arbiyleri, “kurs vazifeleriniñ tapşırmasını” bir qaç künde bitirmege niyetlene.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
