"Rusiye Federatsiyasınıñ çetel quvetleriniñ soñki nezaretçi gemisi şimdi Qırımımızdan çıqa. Bu künni unutmañız", — dep yazdı o Facebook saifesinde. Faqat, Pletençuk geminiñ adını aytmadı. Rusiye komandanlığı bu malümatnı şimdilik izaatlamadı.
Aynı zamanda "Krımskiy veter" telegram-kanalı uydu resimlerine esaslanıp, söz Aqyarda Gollandiya körfezi yanında 14-nci limanda turğan "Burevestnik" gemisi aqqında kete, dep bildirdi.
Ukrayina Arbiy-deñiz quvetleriniñ saba malümatına köre, şimdiki vaqıtta Qara deñizde Rusiye gemileri yoq. Azaq deñizinde üç Rusiye gemisi buluna, olarnıñ arasında Kalibr raketa taşıyıcıları yoq.
İyün ayında Ukrayina Mudafaa nazirliginiñ Baş istihbarat idaresiniñ vekili Andriy Yusov, Rusiye büyük gemilerni ve "kalibr" taşıyıcılarını gizley, amma "av toqtatılmamalı", dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.