Link açıqlığı

Rusiye arbiy adamlarınıñ esirliginde daa bir Ukraina zabiti qala


2 rutbe kapitanı Vyaçeslav Demyanenko Aqyarda esir olıp qala.

Bunı Ukraina Mudafaa nazirliginiñ matbuat hızmetinde bildirdiler.

Berilgen malümatqa köre, Rusiye arbiy adamları sebebini añlatmayıp, Ukraina zabitini Qara dañiz flotunıñ komendaturasında esir alıp tutmağa devam eteler.

Bundan evel esir etip tutılğan Ukraina arbiy-deñiz quvetleriniñ komandan muavini-yalı mudafaa ordularınıñ yolbaşçısı general-mayor İğor Voronçenko, O.Pokrişkin adına taktik aviatsiyasınıñ 204-ünci Aqyar brigadasınıñ komandanı polkovnik Yuliy Mamçur, deñiz piyade askerler Kefe batalyonı 1 bölüginiñ komandanı podpolkovnik Dmıtro Delâtitskiy ve onıñ muavini – mayor Rostıslav Lomtev azat etilgen ediler.
XS
SM
MD
LG