Rusiye askerlerniñ "Tsentr-2019" er yıllıq arbiy temrinleri sentâbr 16-sında başlay. Sentâbr 21-inece devam etecek temringe, Qıtay, İndistan, Pakistan, Qazahistan, Qırğızistan ve Özbekistan arbiy bölükleri qoşulacaq, dep bildire Radio Svoboda.
Rusiye Mudafaa naziri Sergey Şoygu, bu temrin başqa bir memleketke qarşı degil de, "terrorcılıqqa qarşı" operatsiyalarğâ yönetilgenini ayttı.
Yedi devletniñ umumiy temrininde 128 biñ adam, 29 biñ tehnika ve silâ, 600 uçaq ve vertolöt, 15 arbiy gemi iştirak etecek.
Jamestown Foundation Amerika taliller merkezi, "Tsentr-2019" talimatı, "artıq terrorcılıq eylemine qarşı azırlıqqa oşamay, ancaq devletler arası cenkke azırlıq kibi körüne, bu, Rusiye soñki yılları yapqan bütün strategik temrinlerniñ hususiyetidir".
