Rusiye alıpbarıcısı Dana Borisovağa üc yıllıq müddetke Ukrainağa kiriş yasaqlandı, dep bildire, Ukraina Havfsızlıq Hızmetiniñ matbuat hızmetine esaslanıp, "Detektor media".
Borisovanıñ özü ise, RİA Novosti matbuatına Ukrainağa kiriş yasağı aqqında tefsir bererek, bu "beklenilgen şey" edi, dep ayttı.
"Meni anda soñki künde qapatmağanlarına taaciplendim... Anda UHH-niñ hadimi, maña - qanunnı bozğan şahıs, dep ayttı da", - dedi Borisova.
İyül 15-inde Dana Borisova, öz İnstagram saifesinde, "Patsanki" Rusiye televizion şousınıñ nevbetteki mevsimini çekmek içün Kyivge iç bir zorluqsız keldi, dep haber etken edi.
Ukraina Medeniyet Nazirligi, devlet havfsızlığına telüke ola bilecekleri sebebinden ukrain sıñırnı keçmek yasaq etilgen Rusiye artistleriniñ cedvelini tize. Bu cedvel soñki sefer 2019 senesi iyün 14-ünde yañartılğan edi, o vaqıt anda 147 adam bar edi.
