Qarar telükesizlik maqsadınen alındı. «Balalar içün yılbaş bayramları sıñırlı formatta keçirilecek; mesken yerlerde er vaqıt kibi naratlar qoyulacaq, soqaqlar bezetilecek», – dep ayttı Aksenov.
Qırımnıñ bir çoq regionında ve kritik infrastruktura obyektlerinde Rusiye ilân etken terror telükesiniñ «sarı» seviyesi devam ete, dep hatırlattı.
Mayısta Qırımnıñ Rusiye akimiyeti mayıs 1 numayışları, «Ölümsiz polk» yürüşleri ve 9 mayıs paradını lâğu etti. Bu qararnı «telükesizlik maqsadınen» añlattı. Aqyarnıñ Rusiye yolbaşçısı Mihail Razvojayev de şeerde mayıs 9 arbiy paradınıñ lâğu etilüvi aqqında bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
