Qırımnıñ Rusiye akimiyeti ayvanlar hasta dep, yerli sakinlerden tuvarlarını ala, dep haber ete «KrımSOS» aq qorçalayıcı teşkilâtı.
«KrımSOS» köylülerge ait ayvanlarnıñ alınmasına dair malümatnıñ tasdıqladı. Bu Qırım Muhtar Cumhuriyetiniñ bir çoq rayonında ola», – dep tarif etti talilci Yevğen Yaroşenko.
Onıñ aytqanına köre, Rusiye teftişleri kelip, ayvanlarnıñ talillerini yaptıra, soñra ayvanlar hasta dep ayta ekenler. İnsanlarnı bu taliller ve ayvan çıqarıluvı içün para tölemege mecbur eteler, dep qayd etti talilci.
«Böyle areketler Gaaga şartnamesiniñ qarada cenk qanunları ve adetleri nizamnamesiniñ 46-ncı maddesini (1907 s. Gaaga qarada cenk qanunları ve adetleri şartnamesiniñ IV ilâvesi) ve 1949 senesi cenk vaqtında IV Jeneva vatandaş ealisini qoruv şartnamesiniñ 53-ünci maddesini boza», – dep qayd etti aq qorçalayıcılar.
Teşkilât cenk ihtiyacı olmağanda mal-mulkni yoq etüv ve zapt etüv 1998 senesi Halqara cinaiy mahkemeniñ Roma nizamnamesiniñ 8(2) maddesine köre cenk cinayeti ola, dep qayd etti.
Rusiye Baş prokuraturası «KrımSOS» aq qorçalayıcı teşkilâtını Rusiyede «istenilmegen» dep tanıdı. Rusiye müessisesi «KrımSOS» faaliyeti «Rusiye Federatsiyasınıñ anayasa qurumı ve telükesizligi içün havflı ola», dep bildirdi.
Ukrayına ombudsmeni Dmıtro Lubinetsniñ fikirince, Rusiye akimiyetiniñ qararı istilâcı memleketniñ repressiv siyaseti deñişmegenini isbatlay. «KrımSOSnı» yasaqlap, Rusiye Ukrayına Qırımında yapılğan kütleviy cinayetlerni gizlemege tırışa», – dep qoştı o.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
